Məqsədimiz övladlarınızın daha çox öyrənməsini təmin etmək, onların təhsil həyatının parlaq və uğurlu olmasında pay sahibi olmaqdır. Şagirdlərimizi ünsiyyətcil, bilikli, qayğıkeş insanlar kimi yetişdirmək, onları informasiya cəmiyyətinin məsuliyyətli vətəndaşları kimi tərbiyə etmək əsas missiyamızdır. Niyə bizi seçməlisiniz?İdrak liseyi ali məktəblərə qəbul nəticələri hər il üçün 100 faiz olan yeganə təhsil ocağıdır. Liseyi bitirən məzunların təxminən 40 faizi xarici ölkələrdə, digərləri isə ölkəmizin nüfuzlu universitetlərinin dövlət sifarişli ixtisaslarında təhsil alır. İdrak liseyi Azərbaycan Respublikası Elm və Təhsil Nazirliyinin müvafiq lisenziyası ilə fəaliyyət göstərən özəl təhsil müəssisəsidir. 2008-ci ildə Sumqayıt şəhərində təsis edilən bu təhsil ocağının 2014-cü ildə Bakı filialı fəaliyyətə başlayıb. Yalnız İdrak liseyində tədris prosesinə tətbiq olunan media dərsləri şagirdlərdə dayanıqlı yaddaşa, təfəkkürün inkişafına xidmət edir. Bütün fənlər üzrə yeni dərslərin izahı İKT vasitəsi ilə qeydə alınır. Hər bir şagird öz kodu ilə istənilən məkandan liseyin yaddaş bazasına daxil olub keçilən dərsi yenidən izləyə bilər. İdrak liseyində xarici dillərin öyrədilməsinə və ümumiyyətlə, şagirdlərin nitqinin inkişafına xüsusi önəm verilir, müxtəlif beynəlxalq təhsil proqramlarından istifadə edilir. Liseydə “ Fidan” məktəbəqədər hazırlıq qrupu , yeməkxana, həkim otağı və kitabxana fəaliyyət göstərir. Şagirdlər gün ərzində 3 dəfə sanitar-gigiyenik qaydalara ciddi nəzarət olunan yeməkxanada qida ilə təmin olunurlar. Həkim-pediatr tərəfindən hazırlanmış menyuda şagirdlərin yaş da nəzərə alınır. Uşaqların normal inkişafı üçün zəruri olan ət və süd məhsulları, müxtəlif karbohidratlar, zülallar, meyvə və tərəvəzlər gündəlik rasiona daxil edilir. Liseyin binası müasir isitmə və soyutma sistemi ilə təchiz edilib, fasiləsiz olaraq DİN-in əməkdaşları tərəfindən mühafizə olunur. Kənar şəxslərin binaya girişi qəti qadağandır. Valideynlər gün ərzində saat 9:30-dan 13:30-a qədər onlayn kameralar vasitəsilə sinif otaqlarını izləmək imkanına malikdirlər.
İdrak liseyi
